habing salita, diwang malaya

Bagong Akda

Ang K’wento N’ya

Ang K’wento N’ya

Lagi’t laging mayro’ng pasa ang maamo niyang mukha Pagkatapos s’yang awayin ng kaklase’t kapwa bata Ganyan lagi ang k’wento n’ya; ‘di lang natin mahalata Pagkat laging nakangiti kahit takot, nahihiya.   Binansagang bansot, kuba, payatot at ‘sang maligno Tinawag ding walang ama, tiyanak at kabonegro […]

Flores de Mayo

Flores de Mayo

Sa isang munting parada ng mga bulaklak, ikaw ay natatangi sa ganda at busilak Na marahang pumaparada sa mga mata ng mga debotong naglalakad sa kalsada.   Di ko alam kung sinong mas matimtiman; ang banal na birhen sa prusisyon o ikaw Na nagsasabog ng […]

Kahon Kahon

Kahon Kahon

I.

Kahon-kahong pasalubong

Ang dumating kanina lang;

Laman nito ay pantalon

Mga damit at laruan.

 

Kahon-kahon ding de-lata

Mga kendi, tsokolate

May kalakip din na pera

Para kina kuya’t ate.

 

Kahon-kahong mga sabon

Kolorete at pabango

‘Di mabilang sa maghapon

O kahit pa isang linggo.

 

Kahon-kahon nang dumating

Ang imported na ligaya

Ang naiwang liligpitin:

Kahon-kahon ding basura.

 

II.

Kahon-kahong mga karton

Ang masinop na pinulot

Ng mag-anak na palaboy

Sa basurang mala-bundok.

 

Kahon-kahon ang laruan

Nina totoy at ni nene

Kahon-kahon ding kalakal

Na kapalit ay salapi.

 

Kahon-kahong tagni-tagni

Ang tirahan sa may silong

Ng matayog na gusali

Sa labas ng subdivision.

 

Kahon-kahong mga kalat

Ang naiwang pasalubong

Ng pamilyang nakatanggap

Sa pamilyang nagugutom.

 

Public Domain Image Cardboard Box Sealed
Ang Palaboy

Ang Palaboy

Siya’y palaboy, walang mapuntahan Walang pamilya o tahanan Naghahanap, nangungulila Sa pagmamahal at pagkalinga   Nakatingala sa mga dumaraan Sa pagtingin, gutom ba’y nababawasan? Naiibsan ba ang sugat at sakit Ng kawalang-pakialam at panlalait?   Kumakalam ang kanyang sikmura Sa gutom na hindi humuhupa Patuloy […]

Bakit Di Mo Pangarapin

Bakit Di Mo Pangarapin

‘Wag na ‘wag mong pangaraping Maging tulad ng bulaklak; Pagkat kanyang ganda’t hinhin Nakuha mong lahat-lahat.   At ‘wag mo ring pangaraping Maging gaya nitong buwan; Sa pagitan ng bituin, S’ya’y mag-isa at malumbay.   Bakit ‘di mo pangaraping Maging parang isang ibon? Malaya n’yang […]

Ignis Fatuus

Ignis Fatuus

Higit sa gayuma ang halina ng kanyang birtud:

bawat pilantik ng kamay sa mahabang buhok

ay nagmimina ng milyon-milyong tagasunod.

 

Mala-batobalani naman ang maamo niyang mukha;

walang sinuman sa lupa ang hindi namamangha –

alindog na tuwi-tuwinang kanyang ibinabandila.

 

Ibang iba rin ang kabig ng nakatikwas niyang dibdib

sa matang halos lumuwa sa matinding pananabik –

ang nakamamalas ay naninigas sa pagkamanhid.

 

Nakalalaway din ang hubog ng kanyang balakang

lalo na’t sa tuwing gumagalaw ito ng kaliwa’t kanan,

tunay na napapatda ang bawat madlang madaanan.

 

Katulad ng ahas sa gitna ng madawag na gubat,

agad kang matutulala sa matinding pagkagulat

sa pagkabighani, ‘di mo pa masabing ika’y nakagat.

 

At kung siya ang Eba sa ating malawak na paraiso

ay sadyang muling magkakasala ang mundo;

pagkat dahil sa kanyang alindog, nalinlang niya tayong

kumagat sa mansanas sa udyok ng matandang diablo.

 

Public Domain Image Nature Wood Eve

error: For Copyright Protection, we have disabled right-clicking on this page. If you want a copy of this work, please visit our Libreng Download page. Thank you!