Ganyan Ka

Ganyan Ka

Kapag ako’y nag-iisa

O di kaya ay abalá,

Saka ikaw magpupunta

Sa puso ko at haraya.

 

Ay, ganyan ka aking sinta,

kaya kita sinasamba.

 

Kapag gabi ay tahimik

at ang mundo’y naiidlip

Saka ikaw ay aawit

sa puso kong nananabik.

 

O, ganyan ka aking ibig;

parang langit ang ‘yong himig.

 

At sa muli kong paggising

sa umagang haharapin

Ika’y muling dumarating

sa isip ko at damdamin.

 

Ay, ganyan ka, aking giliw;

ba’t kayhirap mong limutin?

 

Public Domain Image Lovers Night Starry Sky
Ferdie L. Eusebio
Latest posts by Ferdie L. Eusebio (see all)


Leave a Reply