Lurok
Kung ang batong kaytigas
Sa ambon naaagnas
Paano kung mababad
Sa buhos na kaylakas?
Di ba’t kahit ang ulap
Sa sintang alapaap
Ay dagling naiiyak
‘Pag damdami’y bumigat?
Maging ilat at ilog
Saglit ring natutuyot
‘Pag nagtampo ang agos
Nitong bukal na nagdulot.
Katulad nga ng buhos
Ng ulan ang pagsubok;
Kung tikatik, magtaklob
Pagkat mamaya’y lurok!
Public Domain Image Rainshower
Musikero, makata, mangingibig, at driver; si Ferdie Eusebio ay isinilang at nagkukuta sa Los Baños, Laguna. Kasalukuyang online writer para sa sandamakmak na business websites sa loob at labas ng Pilipinas. Siya ang tumatayong Editor ng ExpertContentWritersTeam – isang pangkat ng mga freelance writers. Siya rin ay kasalukuyang kasapi ng KATAGA-Online. Kapag may oras ay muli siyang nagbabalik sa pag-compose ng mga kanta.
Jairene Cruz-Eusebio
Peter Jairron Cruz
Ferdie L. Eusebio