Ang Bunga
At nalaglag na nga
ang bunga sa lupa
nang yugyugin ng hangin
ang punong malilim.
Ang bungang pumatak
ay ‘di agad nabiyak.
Nang aking lapitan
at usisain ang laman:
natagpuan kong bulok –
kahit hilaw ay may uod.
Habang ang isang natira
sa kinakapitang sanga
ay bulok rin kahit maliit.
‘Di nahuhulog pagkat ayaw padaig.
Nang aking tingnan
ang munting bunga nang malapitan:
mga uod sa paligid
ay ayaw siyang bitawan.
Public Domain Image: Apple Worm Bitten Fruit Rotten
Musikero, makata, mangingibig, at driver; si Ferdie Eusebio ay isinilang at nagkukuta sa Los Baños, Laguna. Kasalukuyang online writer para sa sandamakmak na business websites sa loob at labas ng Pilipinas. Siya ang tumatayong Editor ng ExpertContentWritersTeam - isang pangkat ng mga freelance writers. Siya rin ay kasalukuyang taga-pangulo ng KATAGA.
Kamakailan ay nagwagi siya sa dalawang timpalak na kapwa pinasimulan ng Komisyon sa Wikang Filipino (KWF) - Tumula Tayo 2022, kategoryang Tanaga (Ikalawang Gantimpala) at Dula Tayo: Pagsulat ng Dramatikong Monologo (Ikalawang Gantimpala).
Kapag may oras ay muli siyang nagbabalik sa pag-compose ng mga kanta.
Kamakailan ay nagwagi siya sa dalawang timpalak na kapwa pinasimulan ng Komisyon sa Wikang Filipino (KWF) - Tumula Tayo 2022, kategoryang Tanaga (Ikalawang Gantimpala) at Dula Tayo: Pagsulat ng Dramatikong Monologo (Ikalawang Gantimpala).
Kapag may oras ay muli siyang nagbabalik sa pag-compose ng mga kanta.
Latest posts by Ferdie L. Eusebio (see all)
- Eklipse - November 10, 2022
- Kubing* - October 24, 2022
- Sa Aking Rocketship (Isang Haibun) - October 21, 2022