Kubing*

Kinulbit kong magilas
ang kubing na may kupas.
Agaw-aw na tumakas:
umaawit na bukas.

Kubing – instrumentong yari sa kawayan. Pinatutunog ito sa pamamagitan ng pag-ipit sa pagitan ng mga labi at pagkulbit nang malakas. Pinaaalingawngaw ito sa loob ng bibig. Karaniwang ginagamit ito ng mga Maguindanaon at makikita sa katimugang bahagi ng Pilipinas.

*Nagwagi ng Ikalawang Karangalan sa patimpalak na pinasimunuan ng Komisyon sa Wikang Filipino – Tumula Tayo 2022, Kategoryang Tanaga.

Ferdie L. Eusebio

Musikero, makata, mangingibig, at driver; si Ferdie Eusebio ay isinilang at nagkukuta sa Los Baños, Laguna. Kasalukuyang online writer para sa sandamakmak na business websites sa loob at labas ng Pilipinas. Siya ang tumatayong Editor ng ExpertContentWritersTeam - isang pangkat ng mga freelance writers. Naging tagapangulo ng Kataga, Samahan ng mga Manunulat sa Pilipinas, Inc.

Kamakailan ay nagwagi siya sa dalawang timpalak na kapwa pinasimulan ng Komisyon sa Wikang Filipino (KWF) - Tumula Tayo 2022, kategoryang Tanaga (Ikalawang Gantimpala) at Dula Tayo: Pagsulat ng Dramatikong Monologo (Ikalawang Gantimpala).

Kapag may oras ay muli siyang nagbabalik sa pag-compose ng mga kanta.

Latest posts by Ferdie L. Eusebio (see all)