Unang Ulan ng Mayo

Dalangin ko ngayong umaga

Bago humigop ng kape

At pumasok sa trabaho:

“Sana’y maambunan man lang

Ng konting taas sa sweldo

At iba pang mga benepisyo

Sana’y hindi rin ma-endo

Gaya ng ibang empleyado.”

Ngunit may kulimlim

Sa aking papawirin;

Parang nagse-senti

Ang masungit na langit.

Tiyak na naman ang trapik

At ako’y male-late ulit

Uulanin ng ako sermon

Babaha din ang aking katwiran.

Ganito ang daratnan kong eksena

Sa minamahal kong pabrika

Ngayong unang ulan ng Mayo.

Creative Commons image Rain in Kerala

Ang tulang ito ay bahagi ng koleksyon na pinamagatang “Tilamsik ng Haraya“. Mada-download ng libre ang e-book na ito dito sa aming website.

Author
Recent Posts

Ferdie L. Eusebio

Musikero, makata, mangingibig, at driver; si Ferdie Eusebio ay isinilang at nagkukuta sa Los Baños, Laguna. Kasalukuyang online writer para sa sandamakmak na business websites sa loob at labas ng Pilipinas. Siya ang tumatayong Editor ng ExpertContentWritersTeam - isang pangkat ng mga freelance writers. Naging tagapangulo ng Kataga, Samahan ng mga Manunulat sa Pilipinas, Inc.

Kamakailan ay nagwagi siya sa dalawang timpalak na kapwa pinasimulan ng Komisyon sa Wikang Filipino (KWF) - Tumula Tayo 2022, kategoryang Tanaga (Ikalawang Gantimpala) at Dula Tayo: Pagsulat ng Dramatikong Monologo (Ikalawang Gantimpala).

Kapag may oras ay muli siyang nagbabalik sa pag-compose ng mga kanta.

Latest posts by Ferdie L. Eusebio (see all)